ЦЕНТАР ЗА РОБОТСКА ХИРУРГИЈА

Toumai™ е современ ендоскопски хируршки робот развиен од светскиот технолошки лидер Shanghai MicroPort MedBot, кој овозможува исклучителна прецизност, стабилност и безбедност при изведување на хируршките интервенции.

Системот Toumai™ е опремен со 3D Videoscope со висока резолуција, кој овозможува јасна и природна тридимензионална слика со панорама до 100 степени. Сликата може да се зголеми и до 70 пати, што им овозможува на хирурзите детален и реалистичен приказ на најмалите крвни садови, структури и нерви. Оптичкиот систем на роботот користи и инфрацрвена технологија, која овозможува прецизно означување на туморските клетки за време на операцијата. Роботските инструменти се движат во сите оски и рамнини на просторот, целосно имитирајќи ги движењата на човечката рака, но со микроскопска прецизност. Дополнително, системот овозможува елиминација на природниот тремор на раката и обезбедува подобрена ергономија за хирургот, што придонесува за поголема стабилност, намален замор при долготрајни интервенции и уште повисоко ниво на сигурност при изведување на комплексни операции.

Роботската хирургија во „Аџибадем Систина“ ќе се применува во повеќе медицински области:

Дигестивна хирургија

• хирургија на гастроинтестиналниот тракт (ГЕРБ, хијатална хернија, малигни и бенигни тумори на желудник, хируршки процедури на тенко црево, колоректална хирургија и сл.),
• хирургија на паренхимни органи (црн дроб, панкреас и слезена – ресекциони процедури),
• хирургија на стомачен ѕид (ингвинални и вентрални хернии)

• хистеректомија (отстранување на матката)
• миомектомија (отстранување на миоми/фиброиди)
• салпингектомија (отстранување на јајцеводите)
• оофоректомија (отстранување на јајниците)
• оваријална цистектомија од било која природа
• ексцизија на ендометриоза, вклучително и длабока инфилтративна ендометриоза
• дисекција на лимфни јазли
• комплетен третман на малигна патологија – цервикален, ендометријален и оваријален карцином
• изведување специфични процедури на карличното дно за третман на пролапс и стрес уринарна инконтиненција

• радикална простатектомија
• радикална и парцијална нефректомија
• уретеропиелопластика
• пиелолитотомија
• радикална цистектомија
• уретероцистонеостомија
• третман на малигни заболувања на простата, бубрег и мочен меур, како и реконструктивни операции на горниот и долниот уринарен тракт

Детска хирургија

• детска урологија
• детска абдоминална хирургија
• неонатална хирургија

Торакална хирургија

• анатомски и екстранатомски ресекции на белиот дроб
• хируршки зафати во медистинум (тимектомии, тумори во медијастинум)
• хируршки зафати на хранопровод