Една од најчестите естетски хируршки процедури за подобрување на изгледот на стомакот е дерматолипектомијата. Со оваа естетска хируршка процедура за намалување на стомакот, пациентите добиваат подобар и потониран изглед на телото, вели проф. д-р Боро Џонов.

„При хируршкиот зафат на затегнување на стомакот, може да се отстрани попуштената и вишок кожа, маснотиите и да се затегне слабата фасција. Со затегнување на стомакот, може да се отстранат и стриите и вишокот кожа во долниот дел на стомакот под папокот“, вели проф. д-р Џонов, специјалист по пластична и реконструктивна хирургија.