Со гламурозна церемонија, во хотелот „Александар Палас“ се одржа второто издание на престижните награди „Бизнис лидер“, во организација на Евентика и Бизнис мрежа. Во присуство на повеќе од 300 најуспешни претприемачи, директори и визионери од над 30 индустрии, беа одбележани достигнувањата на компаниите кои со својата работа создаваат значителна додадена вредност во македонската економија.

Во категоријата „Дејности на болниците“, престижната титула „Бизнис лидер 2025“ ја понесе Клиничката болница „Аџибадем Систина“, како признание за континуираниот раст, иновации и врвни стандарди во здравствената услуга.

Наградата ја прими д-р Севим Шуекинџи, главен извршен директор на болницата.

„Ова признание е потврда за посветеноста и трудот на целиот наш тим, кој секојдневно се стреми да обезбеди највисок квалитет на здравствена грижа. Гордост е да се биде дел од институција којашто поставува нови стандарди во медицината и ја гради довербата на пациентите“, изјави д-р Шуекинџи при примањето на наградата.

Со ова признание, „Аџибадем Систина“ уште еднаш се вбројува меѓу најуспешните компании во земјата, потврдувајќи дека визијата, експертизата и човечкиот пристап се клучни за долгорочен успех и лидерство.