УСПЕШНО ЗАОКРУЖЕН ЦИКЛУСОТ ПРЕДАВАЊА ЗА ИДНИТЕ РОДИТЕЛИ

УСПЕШНО ЗАОКРУЖЕН ЦИКЛУСОТ ПРЕДАВАЊА ЗА ИДНИТЕ РОДИТЕЛИ

19.11.2026

„Гестациски дијабетес“ беше темата со која го заокруживме актуелниот циклус едукативни предавања за идните родители, кои во изминатиот период предизвикаа голем интерес и привлекоа бројни идни мајки заинтересирани за стручни совети и информации поврзани со бременоста.
 
Предавањето го водеа: д-р Надица Божиновска-Димова, специјалист ендокринолог и проф. д-р Корнелија Трајкова, специјалист гинеколог-акушер, кои преку стручни презентации и практични совети ја доближија темата за гестацискиот дијабетес до идните мајки, со посебен акцент на неговото навремено откривање, правилно следење и контрола, како и на важноста на грижата за здравјето на мајката и бебето.
 
Предавањето поттикна активна дискусија и бројни прашања од присутните, со што уште еднаш се потврди важноста на ваквиот вид едукација, преку која трудниците добиваат стручни насоки и поголема сигурност во справувањето со предизвиците што ги носи бременоста.
 
Им благодариме на сите идни родители за довербата, интересот и посетеноста на изминатиот циклус предавања. 

Новиот циклус предавања започнува во јануари, по новогодишните и божиќните празници, со интересни и корисни теми за идните родители. 

Copyright © 2026 Developed by Unet All rights reserved.