НАШАТА ЖИВОТНА БОРБА ЗА ПЕТРА И ВИКТОР

25.03.2016

На последниот ден од годината, кога си ги посакуваме најубавите нешта во новата година, Соња ја имаше единствената желба – да бидат здрави и живи Петра и Виктор кои родени во 27-та гестациска недела и тежина од само 850 грама беа соочени со сите предизвици на предвремено родените деца. По 81 ден поминат на Одделот за неонатална интенизвна нега, Петра и Виктор денес се веќе во својот дом, со мама Соња и тато Слободан. Нивниот сон да станат родители е веќе реалност благодарение на д-р Митко Ивановски, а за нивниот понатамошен раст и развој е заслужен целиот тим на Одделот за неонатална интенизвна нега на чело со д-р Александар Сајковски. Во продолжение следува искрената благодарност која семејството Вукајловиќ ја упати до целиот тим.

„Нашето патешествие поминато во Клиничката болница „Аџибадем Систина“ е како бајка која нè учи за истрајноста, желбата да се има потомство, љубовта и посветеноста кон професијата. На 07.07.2015 година започна приказната за Виктор и Петра, создадени со Господова воља и знаењето и искуството на д-р Митко Ивановски. Многу пречки се испречија на патот на оваа бременост, најголемата се случува на 04.12.2015 година за која целиот гинеколошко-акушерски тим на болницата го даде своето знаење и искуство, својата посветеност и ресурси.

Болницата поседува човечки потенцијал кој има решение на најголемите предизвици

По еден месец поминати во секојдневна борба на 31.12.2015, д-р Ивановски извојува победа и на свет донесе два прекрасни ангела Виктор и Петра. Бидејки родени во 27-ма гестациска недела со тежина од 850 и 880 грама, борбата не застана тука, туку продолжи на Одделот за неонатална интензивна нега. Овде секој ден беше предизвик за себе. Овде тимот предводен од д-р Александар Сајковски кој секојдневно макотрпно и посветено се справуваше со препреките на предвремено родени деца, успеа после 81 ден да ни ги даде Петра и Виктор во наши раце. Не може со зборови да се искаже стручноста и посветеноста што овој тим на лекари и медицински сестри ја има. Затоа ќе речеме дека оваа болница поседува човечки потенцијал кој има решение на најголемите предизвици кои животот може да ги донесе.

Вие сте одлични доктори и медицински сестри, но пред сè прекрасни луѓе

Голема е благодарноста што ја имаме кон д-р Митко Ивановски, сестра Мартина, Вале и Елена, (Оддел за гинекологија и акушерство) понатаму д-р Александар Сајковски, д-р Душко Фидановски и сестра Снежана, Весна и Елена ( Оддел за неонатална интензивна нега) затоа што без вас ова немаше да биде успешна приказна. Вие ја носите репутацијата на одлични доктори и медицински сестри, но ние би сакале да отидеме чекор понатаму, вие сте прекрасни луѓе !

Ви благодариме. “

Неопходни колачиња

Потребни за правилно функционирање на страната и не можат да се исклучуваат во нашите системи. Тие обично се поставуваат само како одговор на постапките направени од вас, што претставува барање за услуги, како што се поставување на преференциите за приватност или пополнување формулари во контакт-формата. Може да го поставите прелистувачот да ги блокира или да предупредува за овие колачиња, но блокирањето на овие колачиња ќе спречи да работи интернет-страницата. Овие колачиња не зачувуваат никакви лични податоци.

Аналитички колачиња

Колачиња кои се користат за да се разбере како посетителите комуницираат со интернет-страницата. Овие колачиња помагаат да се обезбедат информации за бројот на посетители, изворот на сообраќај итн.

Колачиња за функционалност

Колачиња кои помагаат да се извршат одредени функционалности како споделување на содржината на интернет-страницата на социјалните медиуми, собирање повратни информации и други карактеристики на трети страни.

Колачиња за рекламирање

Колачиња кои на посетителите обезбедуваат релевантни реклами (пример Facebook). Тие компании може да ги користат за да изградат профил на вашите интереси и за да ви покажат релевантни реклами од други страници. Тие не складираат директно лични информации, но се засноваат на уникатно идентификување на вашиот прелистувач и интернет-уред. Ако не ги прифатите овие колачиња, ќе искусите помалку насочено рекламирање.

Ги прифаќам сите колачиња Ги прифаќам само неопходните колачиња Потврди го изборот

Политика за колачиња

Искуства

НАШАТА ЖИВОТНА БОРБА ЗА ПЕТРА И ВИКТОР

Најнови објави

Контакт информации