Проф. д-р Јордан Савески и оваа година учествуваше на Светскиот конгрес на ортопеди и трауматолози SICOT, кој се одржа во Оман, Азија. Д-р Савески на конгресот што собра над 5.000 доктори од сиот свет повторно беше Faculty предавач во шест работни сесии. Впрочем, професорот д-р Савески презентираше дел од своето знаење и искуството пред присутните по што доби и сертификати.

„И годинава бев активен учесник на конгрес и имав предавање. Поканата ја добив повторно годинава како член на Светскиот комитет за трауматологија во кој сум член во последните шест години. Посебна чест е да се учествува затоа што на конгресот присуствуваат доктори од целиот свет“, вели д-р Савески.

Клучни теми на годинашниот конгрес беа најновите достигнувања во ортопедската и трауматолошката хирургија. Д-р Савески сподели свои искуства за политрауматизираните пациенти кои се всушност најтешката категорија пациенти, тие кои се наоѓаат во живото-загрижувачка состојба. Такви се лекуваат и излекуваат и во „Аџибадем Систина“.

„Таму споделив мои искуства за конкретни случаи и на кои се носеа заклучоци. Имав можност на сите средби да споделам мое искуство од случаите што ги работев во ‘Аџибадем Систина’“, додава д-р Савески.

Со учеството на д-р Савески на овој конгрес „Аџибадем Систина“ повторно се запишува на мапата на болници кои работат според најсовремени методи.

International Society of Orthopedic Surgery and Traumatology е еден од најпрестижните меѓународни конгреси на кој секоја година присуствуваат значаен број доктори. Д-р Савески е еден од најрепрезентативните предавачи, со оглед на тоа што неговите предавања секогаш отвораат интересни дискусии и предизвикуваат внимание. Досега како предавач (Faculty), д-р Савески учествуваше на последните четири конгреси на SICOT, во Кина, Италија, Јужна Африка и Канада.