PROF. DR. JORDAN SAVESKI I FTUAR SI LIGJËRUES DHE MODERATOR NË KONGRESIN I 42-TË BOTËROR TË ORTOPEDËVE DHE TRAUMATLOGËVE- SICOT
Prof. Dr. Jordan Saveski, ishte ftuar si ligjërues dhe moderator në sesionin e Kongresit të 42-të botëror në organizim të Shoqatës ndërkombëtare prestigjioze të ortopedëve dhe traumatologëve SICOT që u mbajt nga 28 deri më 30 shtator në Kuala Lumpur, Malajzi. Në këtë ngjarje morën pjesë mbi 2.500 mjekë nga e gjithë bota, ndërsa temat e ligjëratave të Prof. Saveski ishin për politraumë dhe operacion për kontrollin e dëmtimeve (damage control surgery), trajtimin modern të frakturave të pelvikut, prioritetet kirurgjikale te pacientët me politraumë, kirurgji të frakturave të acetabulumit, trajtim të frakturave të kurrizit cervikal.
“Ftesën për pjesëmarrjen e mora si anëtar i komitetit të traumatologëve SICOT në të cilin jam anëtar në këto njëzet vite. Është nder i veçantë të marrësh pjesë në këto ngjarje sepse në këtë kongres marrin pjesë mjekë nga e gjithë bota, ndërsa unë kam ndarë përvojën time nga rastet që i punoj në spitalin ‘Acibadem Sistina‘. Programi mësimor në këtë kongres është sipas standardeve më të larta botërore, prandaj është nder të jesh pjesë e kësaj ngjarje. Rekomandoj pjesëmarrjen në këto kongrese, sepse këtu prezantohet puna personale e cila ekspozohet në diskutim, kritikë apo lavdërim me qëllim për të avancuar në profesionin. Një kirurg duhet të ketë një qëllim për ta arritur. Për mua personalisht ishte Akademia Amerikane e Ortopedisë, si dhe shumë kongrese, nga të cilët kongresi botëror është i klasës më të lartë. E gjithë kjo është për të mirën e pacientëve”, shton Prof. Dr Saveski.
Shoqata ndërkombëtare e kirurgjisë ortopedike dhe traumatologjisë (International Society of Orthopedic Surgery and Traumatology) është një nga asociacionet më prestigjioze ndërkombëtare dhe çdo vit në kongreset e tyre marrin pjesë shumë mjekë nga e gjithë bota.
Prof. Dr. Saveski është një nga ligjëruesit më reprezentativ sepse ligjëratat e tij gjithmonë hapin diskutime interesante dhe tërheqin vëmendjen. Në përvojën profesionale dhe ekspertizën e tij të pasur 52 vjeçare, Prof. Saveski ka marrë pjesë në më shumë se 100 kongrese dhe ka botuar shumë punime shkencore dhe disa libra.