Gjunsoj: Mbrapa Spitalit Klinik “Acibadem Sistina”qëndrojnë grupacioni i dytë më i madh i spitaleve në botë (IHH) dhe grupacioni më i madh i spitaleve në Evropën Juglindore, “Acibadem”, dhe të gjitha hapat që ndërmerren nga spitali ynë janë në përputhje me vendimet dhe masat mbrojtëse të ndërmarra nga gjigandi shëndetësor “Acibadem”. Atë që mund ta them është se ne si “Acibadem Sistina ” fjalë për fjalë kemi takuar virusin dhe spitali ynë ka ndërmarrë masat e sigurisë dhe mbrojtjes së pacientëve, të punësuarve dhe vizitorëve akoma para rastit të parë të diagnostikuar të koronavirusit në vend. Në drejtim të parandalimit, mbrojtës dhe sigurisë së pacientëve gjatë vizitës së spitalit zbatohet një protokoll të veçantë për lëvizje.  Të gjithë personat që hyjnë janë detyruar ta kalojnë kontrollin që përfshin matjen e temperaturës së trupit dhe mbajtjen e detyrueshme të pajisjeve mbrojtëse, vizitat në spital janë të kufizuara në një vizitor në një kohë të caktuar, me qëllim respektimin e distancës së rekomanduar sociale. Çdo pacient para hospitalizimit në ndonjë departament në “Acibadem Sistina” domosdoshmërish testohet për prezencën e Covid-19, ashtu që rreziku i përhapjes së infeksionit është minimal. Rastet emergjente që duhet të operohen testohen me testin e ri të shpejtë molekular për të cilin rezultatet merren për më pak se 60 minuta. Si spital në tërësi respektojmë rekomandimet e Organizatës Botërore të Shëndetësisë (OBSH) dhe do t’u përmbahemi protokolleve dhe rekomandimeve të përcaktuara nga ana e autoriteteve shëndetësore gjatë periudhës së pandemisë. Çdo vend ka një qasje të ndryshme, por unë mendoj se qasjen që Maqedonia zbaton, dhe të cilën zbatojnë pothuajse të gjitha vendet e botës në luftën kundër koronavirusit është e përshtatshme dhe jep rezultate.

Sa është përfitimi keni nga ato teste?

Gjunsoj: Qëllimi i Spitalit Klinik “Acibadem Sistina” zbatimi i testimit për detektimin e Covid-19 për të ndihmuar në parandalimin e përhapjes së koronavirusit, për të cilin ne kemi përgjegjësi dhe detyrim si institucion shëndetësor dhe këtu nuk ka hapësirë për ndonjë interes të biznesit. Prandaj, dua të theksoj se në “Acibadem Sistina” si një institucion serioz shëndetësor, kryhen ndërhyrje operative që kushtojnë dhjetë herë më shumë sesa vlera totale e të gjitha testeve së bashku. Ju them këtë si një shembull për një pasqyrë më të mirë dhe edhe një herë theksoj se qëllimi nuk është fitimi, por kontributi sa më shpejt dhe në mënyrë të suksesshme të përballemi me koronavirusin. “Acibadem Sistina” në luftën me Covid-19 kontribuoi me disa donacione të pajisjeve, si dhe me ofrimin e hoteleve “Ibis Styles” dhe “Ibis Skopje City Center” të partnerit tonë “Orka Holding” si qendra për izolim, në të cilat deri më tani janë realizuar rreth 8,000 akomodime ndërsa ambientet e tyre ende janë mbushur.

 

 

Keni njoftuar për investimet në një qendër të re më të madhe pediatrike. A mund të realizohet tani në kushte të këtilla?

Gjunsoj: Spitali Klinik “Acibadem Sistina” për një kohë të gjatë është përkushtuar projektit të madh serioz, bëhet fjalë për qendrën më të re pediatrike që sipas kapacitetit dhe infrastrukturës së saj do të jetë qendra më e madhe në rajon. Lirisht mund të them se së shpejti me funksionim do të fillojë Klinika e re për fëmijë, e cila do të përfshijë patologjinë tek të porsalindurit dhe fëmijët në tërësi. Krijuam një ekip me mjekë profesionistë, mjekë të dëshmuar në fushën e tyre. Në këtë qendër do të punojnë rreth 30 mjekë të cilët do të ofrojnë të gjitha shërbimet shëndetësore për më të rinjtë. Hapësira që tashmë është në fazën përfundimtare është bërë sipas të gjitha standardeve botërore dhe e kemi pajisur me pajisjet më moderne, por atë që dua të theksoj është se kjo qendër është krijuar të jetë unike prandaj fëmijët nuk do të ndihen të frikësuar gjatë vizitës së mjekut. Bëhet fjalë për një strategji dhe qasje të veçantë ndaj fëmijëve. Bëhet kujdes për të gjitha detajet ndërsa qasja e mjekëve është më e rëndësishme. Thashë se këtu do të ketë gjithçka, në kuptimin e vërtetë të fjalës, një poliklinikë, spital ditor, repart, qendër emergjente, kujdes intensiv. Për sëmundjet specifike, Departamenti disponon me një ekip të subspecialistëve mjekë pediatër në kardiologji, reumatologji, hematologji, pulmoalergologji, neurologji, gastroenterologji dhe nefrologji

Cilat janë planet tuaja për periudhën e ardhshme? A e keni ndryshuar strategjinë e rritjes dhe cilat janë planet për punë në realitetin e ri? A e pritni valën e dytë të virusit?

Gjunsoj: Në të vërtetë kemi plane serioze për rritje. Qytetarët dhe pacientët tanë janë të vetëdijshëm se funksionojmë në kushte të jashtëzakonshme në të cilat pasiguria është karakteristika kryesore. Për kompanitë, pasiguria është armiku më i madh, veçanërisht kur bëhet fjalë për planifikim. Sidoqoftë, Spitali Klinik “Acibadem Sistina” u përshtat në mënyrë të sukseshme me realitetin e ri dhe shpresojmë që do të tejkalojmë së shpejti këtë situatë.. Ne kemi hyrë në një cikël serioz të investimeve për të cilin kam folur. Ne nuk do të tërhiqemi dhe nuk do të ketë ndryshime serioze nga planet fillestare. Mendoj se gjatë vitit të ardhshëm do të testohet vaksina për tëmposhtur sëmundjen. Mbetemi të përkushtuar shëndetit të qytetarëve dhe mund të them pres rritjen e numrit të pacientëve sepse vazhdimisht po investojmë në pajisje të reja, teknologji moderne dhe metodën multidisiplinare të trajtimit. Këtë vit, spitali klinik shënon dhjetëvjetorin e ekzistencën, një periudhë në të cilën kemi dëshmuar se jemi insititucioni shëndetësor në vendin e parë në vend dhe në rajon. Kjo krijon përgjegjësinë e madhe se duhet ta mbajmë primatin dhe të dëshmojmë veten në një nivel më të lartë në përputhje me zhvillimin e shpejtë të mjekësisë.

Burimi: Faktor