Гениталните брадавици ги предизвикува хуман папилома вирусот (ХПВ), една од нај честите сексуално преносливи болести. Одредени форми на овој вирус предизвикуваат карцином на грлото на матката, анусот и пенисот. Според статистиките, најмалку 50% од сексуално активните мажи и жени ќе добијат ХПВ-инфекција во одреден момент од животот, а со тоа и можност за појава на генитални брадавици.
Хламидија (Chlamydia Trachomatis) е бактерија и предизвикувач на една од најзастапените сексуално преносливи болести, како кај жените така и кај мажите. Инфекцијата со хламидија се смета за „тивка“ болест, затоа што кај 75-80 отсто од инфицираните жени и 25-50 отсто од инфицираните мажи, не постои јасна или никаква симптоматика на болеста.
Последиците ако не се лекува може да бидат опасни и да доведат до трајно оштетување на репродуктивниот систем и кај жените и кај мажите или да предизвикаат траен стерилитет.
Прекумерното потење, хиперхидроза, е состојба која почнува уште пред пубертетот, а потоа продолжува и се влошува. Почесто се јавува кај жените. Прекумерното потење вообичаено е локализирано, ограничено на одреден дел од телото (пазуви, дланки, табани), но може да биде и генерализирано. Хиперхидрозата, иако не е сериозна состојба, честопати доведува до анксиозност или депресија, вознемирувајќи ја силно личноста. Потењето може да предизвика повлекување од социјалниот живот, бегање од нови контакти и дружење. Стресот и емоционални состојби може да доведат до прекумерно потење. Кај голем дел од случаите прекумерното потење е наследно, особено доколку се појави уште во детска возраст.