Воспалителните цревни заболувања, како улцеративниот колитис и Кроновата болест, се хронични воспаленија на гастроинтестиналниот тракт од непознато потекло. Современиот начин на живот, особено стресот и исхраната, се ризик фактори за појава на овие заболувања кои во некои ситуации можат да бидат и животозагрозувачки. Во продолжение д–р Димитар Трајков, гастроентерохепатолог, ни објаснува повеќе за овие болести.
Иако карциномот на дебелото црево генерално не се смета за болест на младата популација, изминативе дваесет години значително е зголемен бројот на регистрирани случаи на светско ниво на возраст помеѓу 20 и 49 години. Возраста не е клучниот фактор за појава на малигна болест, па затоа експертите посочуваат дека секој треба да внимава на своето здравје и да се придржува до советите за водење здрав начин на живот.
Најважно е пациентите да се дијагностицираат во раната фаза на болеста, каде што самото оперативно лекување и отстранување на дебелото црево кое е заболено од карцином кај голем број пациенти значи трајно излекување, вели проф. д-р Васко Василевски, специјалист по гастроентерохепатологија во Клиничката болница „Аџибадем Систина“
Лекувањето речиси секогаш почнува со медикаментозен третман. Кај потешките облици на болеста, кои не реагираат на конвенционалните и нови биолошки третмани, потребен е хируршки третман. Тој може да е елективен (планиран) и ургентен, кај акутни компликации. Покрај медикаментозниот третман, важен дел во лекувањето е диететски режим, физичката активност, намалувањето на стресот, вели д-р Димитар Трајков, гастроенетерохепатолог од „Аџибадем Систина“
Сигурно во вашиот календар ги имате обележано родендените, празниците, годишнините. Но, дали ви е обележан датумот за скрининг на дебелото црево? Можеби ова не е интересно како дружбата со пријателите, но може да ви го спаси животот. Карциномот на дебелото црево е трета водечка причина за смртност. Затоа, се советува секој човек над 50 години да направи скрининг тестови, како тест за скриено крвавење и колоноскопија, за навреме да се открие болеста. Стапката на преживување на кацином од дебело црево во стадиум 1 е до 90%.
Кај 80% од случаите воспалението на слепото црево почнува со болка во горниот дел на абдоменот, која по извесен период се спушта во долниот десен квадрант. Д-р Ален Јовчевски, абдоминален хирург, советува доколку имате болка во абдоменот, да се јавите на лекар и да не пиете лекови кои може да го отежнат дијагностицирањето на слепото црево.
Карциномот на желудник потекнува од внатрешната слузокожа на желудникот. Болеста почнува тивко и бавно, без одредени специфични симптоми на почетокот. Често овој вид карцином е асоциран со инфекција со хеликобактер пилори, која живее во гастричната слузница и се пренесува орално. Според Светската здравствена организација, оваа бактерија е главниот виновник или број еден карциноген во појавата на карциномот на желудник. За најчестите симптоми, дијагнозата и третманот разговаравме со д-р Владимир Аврамовски, специјалист по дигестивна хирургија.
Хијаталната хернија или желудочна кила претставува пробивање на дел од желудникот во градната празнина преку отворот на дијафрагмата (мускул кој ја одвојува стомачната од градната празнина). Постојат два типа хијатална хернија: лизгачка и параезофагеална. Лизгачкиот тип на хијатална хернија е почест за разлика од параезофагеалниот, и се јавува кај речиси 95% од случаите.
Болка, чешање и крвавење се само дел од симптомите кои пациетите ги препишуваат на хемороидите. Но, дали знаете дека постои уште еден виновник со слични симптоми, а тоа се аналните пукнатини.
„Аналните пукнатини се мали расцепи во пределот на анусот. Најчесто се во облик на солза и предизвикуваат болка, крвавење и чешање многу поголемо од тоа кое се јавува кај хемороидите. Постојат акутни форми кои траат неколку дена до неколку недели, додека хроничните форми траат од 8 до 12 недели“, објаснува д-р Тони Јосифовски .
Речиси секој од нас имал болки или грчеви во стомакот. Најчесто причина за стомачната болка може да е несериозна состојба која може лесно да биде дијагностицирана и третирана. Но, стомачната болка може да биде и знак за сериозна болест, затоа од голема важност е да ги препознаете симптомите и да се консултирате со вашиот лекар.
Улцеративниот колитис и Кроновата болест спаѓаат во групата инфламаторни болести на дигестивниот тракт. Улцеративниот колит секогаш се јавува само на дебелото црево и ректумот и го зафаќа неговиот внатрешен слој (слузокожа) каде се јавуваат воспалителни промени проследени со улцери (поголеми или помали рани во слузокожата). Според д-р Владимир Аврамовски, дигестивен хирург, за разлика од улцеративниот колити, кроновата болест може да се јави на кој било дел од дигестивниот тракт, но најчеста е на тенкото и дебелото црево и ги зафаќа внатрешните слоеви на ѕидот на цревото. Овие воспалителни болести се од хроничен карактер.