Ембриолозите Анета Аневска Митревска и Бобан Јаневски од Клиничката болница „Аџибадем Систина“ присуствуваа на 9. Конгрес на Азиската пацифичка иницијатива за репродукција (ASPIRE 2019) која се одржа во Хонг Конг.

Конгресот бил одлична можност за размена на искуства и промоција на новитетите за репродуктивната медицина. Конгресот понудил можност за вмрежување на присутните доктори специјалисти од цел свет, а на настанот биле дебатирани најактуелните теми во репродуктивната медицина. Присуството на Анета Аневска-Митревска и Бобан Јаневски е придобивка и за Клиничката болница „Аџибадем Систина“, каде се имплементираат сите медицински новини во репродуктивната медицина.

Овој годишен конгрес е заеднички организиран од Азиската пацифичка иницијатива за репродукција (ASPIRE) и Хонг Конг здружението за репродуктивна медицина (HKSRM).

На ASPIRE 2019 се одржале неколку работилници пред конгресот, а дел од настанот биле и главните предавања, но и истовремени сесии и симпозиуми, бесплатни комуникации и социјални настани.

Истовремено, била поставена и изложба на која се прикажале најновите производи и услуги што ги нуди здравствената индустрија.