Во организација на Innotech на 17 септември се одржа симпозиум на тема „Нова перспектива при грижа за здравјето на жените“, на кој зеде учество нашиот еминентен доктор, доц. д-р Митко Ивановски. Тема на стручното излагање на д-р Ивановски беше: „Дијагноза, превенција и третман на сидеропенична анемија во бременост“.

На симпозиумот зедоа учество над 40 доктори од земјава, кои преку своите предавања и дебати активно се вклучија во темите обработени на настанот.

Доц. д-р Ивановски во своето 25-годишно работно искуство има учествувано на многу значајни домашни и светски конгреси, едукативни предавања и симпозиуми, давајќи свој придонес преку споделување на богатото искуство во рамки на својата специјалност.