НОВОСТИ

03 Декември 2016
Тимот на Kлиничка болница „Аџибадем Систина“ подготвен да одговори во случај на вонредни состојби

Тимот на Kлиничка болница „Аџибадем Систина“ подготвен да одговори во случај на вонредни состојби

Брза реакција во случај на земјотрес и успешна евакуација на пациентите и сите присутни во болницата. Успешна координација и поддршка на екипата на противпожарна во гаснење на пожар предизвикан од земјотрес. Вработените во „Аџибадем Систина“ денеска одговорија на сите предизвици во случај на вонредни и непредвидени состојби.

11 Ноември 2016
Учениците од „Нова“ во посета на лабораториите на „Аџибадем Систина“

Учениците од „Нова“ во посета на лабораториите на „Аџибадем Систина“

Учениците од 7-мо одделение од Меѓународното училиште „Нова“ го посетија Одделот за дијагностички лаборатории во „Аџибадем Систина“. Домаќин на настанот беше д-р Џенгис Јашар, патохистолог и шеф на Дијагностички лаборатории. За време на посетата учениците имаа можност да ја видат работата во Биохемиската лабораторија, а потоа беа дел од едукативно предавање во амфитеатарот на болницата.

Што претставува клетката, кои се нејзините градбени елементи и функција во човечкото тело беше главната тема на предавањето на д-р Јашар. Преку илустрирана презентација учениците имаа можност да видат како изгледаат различни типови клетки, каков е процесот на делба на клетките, како изгледа здрава клетка, а како клетка со нарушена функција. Најинтересно за младите ученици беше можноста да ги гледаат клетките со помош на микроскоп. Учениците веќе имаа големо познавање на оваа тема при што со нивни мислења и знаења го надополнуваа предавањето на д-р Јашар.

Посетата на учениците од „Нова“ е дел од наставната програма по предметот Природни науки. 

10 Ноември 2016
25 години Здравствена групација Аџибадем

25 години Здравствена групација Аџибадем

Според досегашните резултати и развој во изминативе 25 години, Здравствената групација Аџибадем има статус на најпрестижна и најголема здравствена организација во Југоисточна Европа. Првата болница е основана во 1991 година. Денес, Аџибадем обезбедува здравствени услуги во своите 21 болници, 17 поликлиники, а располага со тим од 17.000 вработени меѓу кои 2.600 доктори и 2.600 медицински сестри.

21 Октомври 2016
Жени лидери: Д-р Јана Марин на Самитот „Македонија 2025“

Жени лидери: Д-р Јана Марин на Самитот „Македонија 2025“

Во рамките на Самитот Македонија 2025 учество зема д-р Јана Марин, член на Одборот на директори на Клиничката болница „Аџибадем Систина“. Д-р Марин беше говорник на Сесијата – “Улогата на жените како лидери кон одржлива иднина”. За време на сесијата беа отворени прашања за предизвиците на жените лидери, различната перцепција на мажите и жените лидери, предноста/недостатокот да се биде жена во бизнис светот, стереотипите и предрасудите за успешните жени и уште многу други прашања од секојдневието на жените лидери.

Д-р Јана Марин го отвори прашањето за почитта на жената како клучен недостаток на македонското бизнис општество.

„Треба да работиме на унапредување на поголема почит кон жените во секоја смисла. Општеството може да се развива само доколку жената се почитува и цени во однос на нејзините уникатни придонеси во истото. Мораме да бидеме подобри во тоа, и мажите и жените“. истакна д-р Марин.

Д-р Марин зборуваше и за нејзиното искуство како жена лидер, за различната перцепција на жените наспроти мажите лидери, за предизвиците со кои се соочува, како и за потребата општеството да создаде услови за реализирање на жените.

На крајот, ја истакна професионалноста на Клиничката болница Аџибадем Систина која нуди услови за поддршка за професионалениот развој.

„Имам среќа што работам во компанија каде што 70 % од менаџерите се жени. Работам во професионално окружување каде што луѓето напредуваат врз основа на заслугите и успесите. Исто така, тоа е место каде што жените се добредојдени и може да се назначат на разни позиции. А тоа Ви дава поттик. Благодарна сум за истото и посакувам повеќето компании во Македонија да го следат овој пример“ објасни Д-р Марин.“ истакна д-р Марин.

Ана Арсов, директор во Moody’s Financial Institutions Group, САД ги истакна трите главни карактеристики кои гарантираат успех кај секоја жена која претендира да биде успешна во она што го работи, а тоа се компетентност, вложен труд и интегритет.

„Доколку мажот и жената ги поседуваат истите три карактеристики, има уште една предност која жените ги прави сепак подобри, а тоа е емоционалната интелигенција која е својствена само за жените. Не заборавајте да ја искористите.“ истакна Арсов.

Досегашното искуство на проф. Славица Вејт, директор на PEC International и основач на фондацијата „Кирил Трајковски“ кажува дека луѓето не се навикнати да ги гледаат жените на раководна функција.

„На работните состаноци многупати јас сум била единствената жена на масата, па често клиентите мислат дека сум секретарка или преведувач. Луѓето не се навикнати да гледаат на жените како на лидери.“ вели проф. Вејт.

Модератор на сесијата, Александра Наќева Ружин, амбасадор на Р Македонија во Шведска, истакна дека родовата нееднаквост е присутна во светски рамки, каде жените се помалку платени во споредба со мажите, работат привремена работа при што нивните вештини не можат да бидат целосно искористени. Ружин истакна дека според последните истражувања, жените заработуваат просечно 20% помалку во споредба со мажите.

Петтиот Самит во организација на „Македонија2025“ се одржа на 20. и 21. октомври. Овие два дена Скопје беше регионален центар каде можеа да се слушнат најновите светски трендови во бизнисот, инвестициите, финансиите, лидерството, иновации и технологија. Самитот го проследија повеќе од 250 гости, а излагања имаа над 40 говорници од повеќе од 25 земји во светот.

 

«
»

Искуството на нашите пациенти

„Аџибадем Систина“ е светска болница

„Аџибадем Систина“ е светска болница

„Сум имала можност да посетам приватни болници во Словенија и во Америка. Но, на ниту едно место не се чувствував доволно сигурна за да ја направам операцијата за замена на колк. По прегледот кај д-р Драган Христов, знаев дека ‘Аџибадем Систина’ е болницата каде ќе го доверам моето здравје. Д-р Христов е толку посветен и стручен, ми ја објасни целата постапка детално и навистина сè излезе според неговите планови. Големината на докторот не е само да лекува туку и да делува психички на вас. Д-р Христов е комплетен доктор и голем човек“.

Болница на насмевки и хумани луѓе

Болница на насмевки и хумани луѓе

Целиот свој живот го помина борејќи се за правата на лицата со хендикеп. Бунтовно го дигаше својот глас за освестување дека постои група луѓе кои им е потребна помош за да станат рамноправен член на ова општество. Но, неговиот борбен дух за подобар третман не го напушти ни кога му соопштија дека како критичен пациент неговиот живот ги одбројува последните часови.

„Бев тежок пациент, кога ги слушнав докторите дека нема да го преживеам денот, со последни сили се изборив да ме префрлат во ,Аџибадем Систина‘. Благодарение на таа одлука денеска со насмевка можам да ја раскажам борбата со мојата болест“, раскажува Звонко Шаврески, кој додека се подготвуваше да си замине од болница, по еден месец и пет операции, со нов елан и нов животен порив ја почна својата приказна.

Влеговме во тешка битка, излеговме како победници

Влеговме во тешка битка, излеговме како победници

Длабока венска тромбоза на нозете, белодробна емболија, нефункционален бубрег поради присуство на бубрежен камен веќе 20 години. Овие три здравствени проблеми и низа компликации беа повеќе од доволни 67-годишната Блага Велова да навлезе во тешка здравствена состојба која не дозволуваше да се изведе потребната операција за отстранување на бубрегот. По еден месец континуирана грижа од мултидисциплинарен тим од специјалисти по кардиологија, анестезија, пулмологија, урологија и нефрологија кај пациентката беа ставени под контрола сите компликации и беше успешно изведена операцијата.

Благодарам за сè што сторивте за мојот татко

Благодарам за сè што сторивте за мојот татко

„Клиничката болница „Аџибадем Систина“ е показател дека и кај нас може една институција да функционира беспрекорно и според највисоки професионални стандарди“ вели Јулијана Настоска од Охрид. Во нејзиното писмо упатува посебна благодарност за проф. д-р Салис Таџер и д-р Дејан Ковачевиќ кои се грижеа за здравјето на нејзиниот татко.

Повторно застанав на нозе благодарение на стручноста на проф. д-р Јордан Савески

Повторно застанав на нозе благодарение на стручноста на проф. д-р Јордан Савески

Во август 2015 година имав повреда на прешлените на `рбетот и бев целосно неподвижен. По доаѓањето во „Аџибадем Систина“ се запознав со проф. д-р Јордан Савески, кој ми ја објасни мојата состојба и третманот што треба да се примени. Неговиот пристап беше премногу љубезен, конкретен и сеопфатен со што добив чувство дека сум во вистинските раце.

На 1 септември, по одлука на проф. Савески, ја направив потребната операција во „Аџибадем Систина“. Операцијата беше многу успешна така што по само неколку дена заминав за Стокхолм каде продолжив со рехабилитација на повредата. Откако се запознав со докторот во болницата во Стокхолм, му ги покажав сите медицински извештаи од „Аџибадем Систина“. Неговите први зборови беа:

„Имате среќа што повредата не беше поголема, инаку ќе завршеше многу полошо за Вас. Сте имале среќа што сте имале толку професионален трауматолог и професионална болница. Ова не е лесна операција, воопшто сите операции на `рбетен столб се сериозни и бараат сериозна стручност и ангажман. Тој или тие што ја направиле оваа операција (мислејќи на проф. Савески и неговиот тим) го извел толку стручно, толку прецизно што ова може да се нарече совршенство или уметност во медицината“. 

Докторот овие зборови ги потенцираше секој пат кога и да отидев на вежби и контроли во болницата. 


Почитуван професор Савески, по сите пофалби кои ги слушнав за Вас за време на престојот во „Аџибадем Систина“, и пофалбите упатени до Вас во болницата во Стокхолм, сакам да знаете дека имате многу причини да се гордеете со Вашите достигнувања во медицината, со Вашата работа и пристапот кон пациентите.

На крај, почитуван проф. Савески, дозволите од мое лично име и од името на моето семејство да Ви се заблагодарам за сета помош која ја добив од Вас и болницата „Аџибадем Систина“. Голема благодарност за сите медицински сестри и целиот тим кој беше извонреден за време на мојот престој  во болницата.

 

Со голема почит

Авни Кастрати

 

 

«
»

Контакт Аџибадем СистинаЗакажи преглед, термин

 Acibadem Sistina Fotogalerija